१५ लाख ९० हजार ५ सय प्रतिवन्धित भारतीय नोट सहित ६ जना पक्राउ

काठमाडौं, ३१ वैशाख प्रतिवन्धित भारतीय नोट सहित ६ जनालाई पक्राउ गरेको छ ।

एक हजार र पाँच सय दरका गरी करिब १५ लाख ९० हजार ५ सय प्रतिवन्धित भारतीय नोट सहित काठमाडौं महानगरपालिका १६ नयाँबजारस्थित होटल मेट्रो ईनबाट ६ जनालाई महानगरीय प्रहरी परिसर काठमाडौंले पक्राउ गरेको हो ।

महानगरीय प्रहरी परिसर काठमाण्डौका प्रर्वक्ता होविन्द्र बोगटाीले पक्राउ पर्नेहरुमा काठमाडौं स्वयम्भू बस्नेहरु धादिङ त्रिपुरासुन्दरी गाउँपालिका ४ का २१ वर्षीय शम्भु परियार, दोलखा तामाकोशी गाउँपालिका ३ का २३ वर्षीय राम बिक्रम खड्का, कास्की पोखरा महानगरपालिका(५ का ४० वर्षीय सन्तोष थापा, बाग्लुङ बडिगाड गाउँपालिका ५ का ३२ वर्षीय नबिन थापा तथा काभ्रेपलान्चोक तेमाल गाउँपालिका ६ का ३६ वर्षीय राजेन्द्र तामाङ र काठमाडौं नयाँबजार बस्ने काभ्रेपलान्चोक तेमाल गाउँपालिका ६ का ३७ वर्षीय धनध्वज तामाङ रहेको बताए ।

प्रर्वक्ता बोगटीका अनुसार उक्त होटलमा मानिसहरु भेला जम्मा भई नेपाल तथा भारतमा समेत कारोवार गर्न प्रतिबन्ध लगाइएको भारतीय १ हजार र ५ सय दरको नोटहरु साथमा बोकी सर्वसाधारण मानिसहरुलाई बिभिन्न प्रलोभन देखाई ठगी गर्न लागीरहेको भन्ने सूचना प्राप्त हुनासाथ परिसरबाट खटिएको प्रहरी टोलीले होटलको कोठा नम्बर ६०६ मा उनीहरुलाई उक्त नोट सहित पक्राउ गरिएको जानकारी दिए ।