‘पायल’ निर्माण हुने

  • 8
    Shares

काठमाडौं – फाल्गुनन्द लिङ्देन फिल्मस्को व्यानरमा नयाँ फिल्म ‘पायल’ निर्माण हुने भएको छ । दिनेश लिङ्देनको लेखन तथा निर्देशन रहने फिल्मको अहिले छायांकन तयारी भइरहेको छ ।

 

समाजमा घटिरहेका हत्या, हिंसा, बलात्कार जस्ता अपराधिक एवं संवेदनशिल घटनाका बिषय फिल्मले उठाउन खोजेको छ ।

नरेन्द्र सेन्दाङ, राजकुमार लिङ्देन, सपना ठकुरी, उषा पराजुली, उदय सुब्बा, राजु घिमिरे, प्रेम आले, मेघ मगर, दिलिप ठकुरी, आमन खान आदिको अभिनय फिल्ममा रहनेछ ।

विकास चौधरी संगीत, दिनेश माङमुको नृत्य, कुमार श्रेष्ठको द्वन्द्व, विक्रम डि.सि.को छायांकन रहने फिल्मका कार्यकारी निर्माता बसन्त थेबे हुन् । सहनिर्मातामा मेखबहादुर मगर र प्रस्तुतकर्तामा आरपी दाहाल रहेको फिल्मकी निर्माता कविता राई लिङ्देन रहेकी छन् ।

प्रकाशित : २०७६, १४ जेष्ठ मंगलवार १७:१३