महानगरीय प्रहरी वृत्त बालाजुले चितुवाको छाला र हड्डी सहित दुई पक्राउ

  • 17
    Shares
१२ असार, काठमाडौं  महानगरीय प्रहरी वृत्त बालाजु र महानगरीय प्रहरी प्रभाग गोंगबुबाट संयुक्त रुपमा खटिएको प्रहरीले चितुवाको छाला र टाउकोको हड्डी सहित २ जनालाई पक्राउ गरेको छ ।
काठमाडौं महानगरपालिका २६ मित्रनगरस्थित नवदुर्गा गेष्ट हाउसबाट अन्दाजी ४६ ईन्च लम्बाई भएको चितुवाको छाला र टाउकोको हड्डी सहित २ जनालाई बुधबार दिउँसो प्रहरीले पक्राउ गरेको हो ।
महानगरीय प्रहरी वृत्त बालाजुका प्रमुख डीएसपी बाल नरसिंह राणाले पक्राउ पर्नेहरुमा पाँचथर फागुनन्द गाउँपालिका ४ घर भएका २४ वर्षीय मिश्रुङ चेम्जोङ र ३० वर्षीय प्रशान्त दास चेम्जोंङ रहेको बताए ।
प्रकाशित : २०७६, १२ असार बिहीबार १६:०५