‘सुरुङमार्ग शिलान्यास गरेको ताम्रपत्र चोरी भएको छैन’

काठमाडौँ । नागढुङ्गा–सिस्नेखोला (दहचोक–सिस्नेखोला) सुरुङमार्गको शिलान्यास गरेको ताम्रपत्र चोरी नभएर सुरक्षित तबरले राखिएको पाइएको छ ।

स्थानीयहरुले शिलान्यास गरेको भोलीपल्टै ताम्रपत्र राखिएको ठाउँमा नभएपछि चोरी भएको हल्ला फैलाएर मदभेत सुरु भएको हो ।

कात्तिक ४ गते सोमवार चन्द्रागिरी नगरपालिकास्थित दहचोकमा आयोजित एक विशेष समारोहका बीच प्रधानमन्त्री केपी शर्मा ओलीले सुरुङमार्गको शिलान्यास गरेका थिए ।

सुरुङमार्ग आयोजना प्रमुख श्याम खरेलले आयोजनालाई दु्रत गतिमा अगाडी बढाउनुपर्ने भएको कारण ताम्रपत्रलाई निमार्ण सम्पन्न पछि राख्नुपर्ने भएको कारण सुरक्षित साथ राखिएको बताए ।

उनले भने, ‘अहिलेलाई झिकिएको मात्र हो चोरी भएको होइन हामी पछि स्थान्तरण गर्नेछौं ।’

२.६८८ किलोमिटर लामो सुरुङमार्ग आगामी ४२ महिनाभित्र निर्माण सम्पन्न भइसक्ने बताइएको छ ।

प्रकाशित : २०७६, ९ कार्तिक शनिबार ११:५६