काठमाडौं उपत्यकामा निषेध आदेस खुकुलो हुने, सवारीसाधनमा जोर बिजोर लागु

काठमाडौँ — भदौ ३ गते देखि काठमाडौं उपत्यकामा लागू गरिएको निषेध आदेश यातायात र व्यापार/व्यवसाय क्षेत्रका लागि बिहीबारदेखि खुल्ने भएको छ ।
काठमाडौंका प्रमुख जिल्ला अधिकार जनकराज दाहालका अनुसार सार्वजनिक र निजी यातायातमा जोरबिजोर लागू गर्ने र व्यापार/व्यवसायलाई शर्तसहित खोल्न दिने टुंगोमा प्रशासन पुगेको हाे ।
अन्य क्षेत्रका लागि भने भदौ ३१ गतेसम्म निषेध आदेश जारी रहने उनले बताए ।
व्यापार व्यवसाय खोल्न दिने शर्तहरु बारे औपचारिक निर्णयमा विस्तृतमा खुलाइने दाहालले बताए । तर काठमाडौं उपत्यका प्रवेश गर्ने सवारीसाधनहरुका लागि भने पहिलेकै प्रावधान लागू गरिनेछ । शैक्षिक संस्था, फिल्म हल र जिमखाना लगायत यसअघि बन्द गरिएका क्षेत्र नयाँ निर्णय नभइन्जेल बन्द नै रहने छन् ।
उपत्यकाका तीनै जिल्ला प्रशासनले लगाएको निषेधाज्ञाको अवधि बुधबार मध्यरातसम्म छ ।
प्रकाशित : २०७७, २४ भाद्र बुधबार १७:४६