नेपाल प्रहरीको आचारसंहिता सम्बन्धी कार्यादेश-२०७७ सार्वजनिक

 भदौ २८ गते काााठमाडौं ।  प्रहरी महानिरीक्षक शैलेश थापा क्षेत्रीले प्रहरी प्रधान कार्यालयमा आइतबार आयोजित एक कार्यक्रमबीच प्रहरी कर्मचारीहरूले पालना गर्नुपर्ने आचार संहिता सम्बन्धी कार्यादेश-२०७७ सार्वजनिक गरेका छन् ।   
प्रहरी महानिरीक्षक थापाले इपिलिमेन्टेसन ट्रयाकिङ स्फटवयर र साथै उनले नेपाल प्रहरी कार्ययोजना-२०७७ को  शुभारम्भ गरेका हुन् ।     
कार्यक्रममा प्रहरी महानिरीक्षक थापा क्षेत्रीले निर्माण भएका कार्यादेश र निर्देशिकाहरुले संगठनलाई सही मार्गमा लैजान दूरगामी रुपमा सकारात्मक प्रभाव पार्ने उल्लेख गरे ।                 
कार्यादेशको फलोअप गर्दै जानुपर्नेमा जोड दिँदै उनले यसले प्रहरीको छविलाई थप राम्रो बनाउन मद्दत पुर्‍याउने विचार व्यक्त गरे ।

कार्यक्रममा प्रहरी अतिरिक्त महानिरीक्षकहरू, प्रहरी नायव महानिरीक्षकहरु र प्रदेश प्रहरी प्रमुखहरुको भर्चुअल्ली उपस्थिति रहेको थियो ।

प्रकाशित : २०७७, २८ भाद्र आईतवार १९:०७