चन्द्रागिरीकाे पातले वन वाट जुरेकाे नाम साझा विवेकशिल

मिति :बैशाख ११ गते स्थान चन्द्रागिरी २ पातले वन भिनियाद्र रिसाेट जहाँ रविन्द्र मिश्र लगायत केन्द्रीय कमिटीको गाेप्य बैठक चलेकाे थियाे ।

  • 43
    Shares

राेसन दानी 

काठमाडौं १५ बैशाख 

केही साता अगाडि  चन्द्रागिरी हिल्स् रिसाेटमा प्रधानमन्त्री केपी शर्मा अाेली पुष्पकमल दाहाल प्रचण्ड लगायत नेताहरूकाे गाेप्य बैठक चलेकाे थियाे । अहिले गाेप्य बार्ता र सहमतिकाे थलाे बनेकाे छ चन्द्रागिरी । फेरि खवर अायाे चन्द्रागिरीमा रविन्द्र मिश्र,मुमाराम खनालकाे बार्ता चल्दै छ तर फरक स्थानमा । बैठकमा चल्दै थियाे उजल थापा नेतृत्वको पाटी र रविन्द्र मिश्रकाे पाटीमा अाएकाे बिभाजन टुटफुट र कार्यदिशा, रननितिक कार्ययाेजना लगायत बहसकाे थुपै बिषय । पाटीमा देखिएकाे बिभाजनले पहिलाे गासमै ढुङ्गा भेटिए पछि चिन्ता थियाे पाटीलाई अब कसरी सेभ ल्याडिङ गर्ने भने वारे । अन्ततः रवीन्द्र मिश्र नेतृत्वको विवेकशील साझा पार्टीले नाम परिवर्तन गर्ने निर्णय गयाेे ।

रविन्द्र मिश्र नेतृत्वको केन्द्रीय कमिटीको बैठक

उज्वल थापा नेतृत्वको पार्टीले पनि नाम विवेकशील राखेको हुँदा अन्यौल र भ्रम रहेकोले नाम बदलेर मिश्र नेतृत्वको पार्टीले साझा विवेकशील पार्टी नाम राख्ने निर्णयमा पुग्यौं ।

‘उज्वल थापा नेतृत्वको पार्टीले पनि नाम विवेकशील नाम प्रयोग गरिरहेको हुँदा प्रेस तथा आमरुपमा देखिएको अन्यौल र भ्रम चिर्न भन्दै पाटीले नाममा परिवर्तन गर्न एक कदम चालेकाे थियाे ।

पाटीका प्रवक्ता सूर्यराज आचार्यले विज्ञप्तिमा जारी गर्दै प्राविधिक जटिलताहरुलाई सहज गराउन विवेकशील साझा पार्टीबाट नाम परिवर्तन गरी साझा विवेकशील पार्टी बनाएको  दावी गरे ।

पार्टी संयोजक मिश्रको अध्यक्षतामा वैशाख ११, १२ र १३गते चन्द्रागिरी पातलेवन भिनियाद्र रिसाेट  बसेको केन्द्रीय समितिको पूर्ण बैठकले भ्रष्टाचारले आक्रान्त समाजमा पार्टीले आउँदा दिनहरूमा आफ्ना गतिविधिलाई मूलत: भ्रष्टाचार विरोधी अभियानमा केन्द्रीत गर्ने समेतका निर्णय गरेेेकाेे हाेे ।साथ‌ै पार्टीमा युवालाई ४० प्रतिशत स्थान आरक्षण दिने निर्णय पनि भएको आचार्यले बताएका छन्।

हेनु हाेस विवेकशील साझा पार्टीले जारी गरेकाे प्रेस विज्ञप्ति सहित ।

आज देश एउटा गम्भिर विरोधाभाषबाट गुज्रिरहेको छ। एकातिर दुईतिहाई बहुमतसहितको शक्तिशाली सरकार छ। अर्कोतिर आम नागरिकमा देशको दूरावस्थाप्रति चरम निराशा उत्पन्न भएको छ। राज्यको हरेक निकायमा भएको असोचनीयस्तरको राजनीतिकरण, भ्रष्टाचार र वेथितिले मातृभूमीको स्वाभिमान र संवृद्धिको आशामाथि कुठाराघात गरिदिएको छ। यसले इमानदार, सक्षम र देशभक्त वैकल्पिक पार्टीको अपरिहार्यतालाई व्यावहारिकरूपमैँ प्रमाणित गरिदिएको छ। सोही परिप्रेक्ष्यमा हाम्रो पार्टीले देशको राजनीतिक परिस्थितिलाई गम्भिर ढङ्गबाट विश्लेषण गरी तदअनुसार पार्टीको रणनीतिक कार्यक्रम तय गर्न वैशाख ११, १२ र १३ गते पार्टी संयोजक रवीन्द्र मिश्रको अध्यक्ष्यतामा बसेको केन्द्रीय समितिको पूर्ण वैठकले केही महत्वपूर्ण निर्णयहरू गरेको छ। ती निर्णयका प्रमुख बुँदाहरू निम्न अनुसार छन्।

१। जेठको १ गतेदेखि कम्तिमा तीन महिना वैकल्पिक राजनीतिको भरपर्दो संवाहक बन्न सक्ने पार्टी निर्माणका लागि आम सर्वसाधारणसँग खुल्ला अन्तर्कृया गर्न पार्टी नेतृत्व देशको यात्रामा निस्कने छ। सो यात्राका क्रममा आम जनताको चासोका राष्ट्रिय एजेन्डा र अपेक्षाको पहिचान गरिने छ। साथै वृहत राष्ट्रिय स्वार्थ, मातृभुमीको सेवा र स्वाभिमान, भ्रष्टाचारमुक्त राज्य, सुसंस्कृत राजनीति र समतामुलक संवृद्धिप्रति प्रतिवद्ध हरेक नागरिकसँग देश रूपान्तरणको अभियानमा कसरी हातेमालो गर्न सकिन्छ भन्नेबारे बिमर्श गरिने छ। सो यात्रामा पार्टीसँग आवद्ध नभए पनि देशको रूपान्तरणमा सकृय रहेका कुनै पनि तप्का र विचारका प्रवुद्ध व्यक्तित्वहरूलाई संभव भएसम्म सामेल गरिनेछ। यात्राको निचोडका आधारमा पार्टीले विविध एजेन्डा र अडान तथा उच्च नेतृत्व लगायत विभिन्न तहका समितिलाई विस्तार गर्ने बारेमा आवस्यक निर्णय लिनेछ।

२। सन्सारका विभिन्न सुसंस्कृत देशहरूले अभ्यास गरेजस्तै स्थानीय तहको निर्वाचन गैर-दलीय बन्नु पर्छ भन्ने धारणालाई पार्टीले आफ्नो एउटा प्रमुख एजेण्डा बनाउने छ। त्यसले दलिय संबद्धताको आडमा स्थानीय तहमा हुने भ्रष्टाचारलाई न्यूनिकरण गर्नमात्र मद्दत गर्दैन, समाजको हरेक पक्षमा व्याप्त अनावश्यक र घातक दलिय भागभन्डा र अवाञ्छित राजनीतिकरणले ल्याएका विकृतिलाई पनि रोक्न मद्दत पुर्याउँछ।
३। भ्रष्टाचारले आक्रान्त समाजमा पार्टीले आउँदा दिनहरूमा आफ्ना गतिविधिलाई मूलत: भ्रष्टाचार विरोधी अभियानमा केन्द्रीत गर्नेछ।

४। देशको रुपान्तरणको सोच र अभियानमा युवाहरुको यथोचित प्रतिनिधित्व सुनिश्चित गर्न पार्टीले तल्लो तहदेखि केन्द्रीय नेतृत्वसम्म युवाहरूका लागि ४० प्रतिशत स्थान आरक्षण गर्ने निर्णय गरेको छ।

५। विदेशमा रहेका पार्टीका सदस्यहरूलाई ‘विशेष प्रदेश’को मान्यता दिने, पार्टीको निर्वाचनमा उनीहरूलाई मतदानको अधिकार दिने, विदेशका पार्टी आवद्ध सद्भाव समूहहरूले पार्टीको महाधिवेशनमा प्रतिनिधहरू पठाउन सक्ने र सद्भाव समूहरूको अन्तराष्ट्रिय सञ्जालका संयोजकलाई पार्टीको पदेन केन्द्रीय सदस्य बनाउने निर्णय पनि गरिएको छ।

६। हालैको समयमा पार्टीबाट छुट्टिएर गएका साथीहरूले पनि ‘विवेकशील’ नाम प्रयोग गरिरहेको हुँदा प्रेस तथा आमरूपमा देखिएको अन्यौल र भ्रम चिर्न, त्यसले सृजना गरेका प्राविधिक जटिलताहरुलाई सहज बनाउन तथा धेरै शुभेच्छुकहरूको अनुरोधलाई आत्मसात गर्न पार्टीले आफ्नो नाम ‘विवेकशील साझा पार्टी’बाट ‘साझा विवेकशील पार्टी’मा परिवर्तन गर्ने निर्णय गरेको छ।

७। सबैको सद्भाव, सहयोग र सकृयताबिना यो देशमा सुसंस्कृत राजनीति स्थापित गरेर समतामूलक संवृद्धि हासिल गर्ने हाम्रो लक्ष्य पुरा हुन सक्दैन। आवश्यक आर्थिक आधारबिना पार्टी निर्माण हुनै सक्दैन। त्यसैले पार्टीले “दिनक एक कप चिया कम पिउँ, बचेको रकम साझा विवेकशीललाई सहयोग गरौँ” अभियान सञ्चालन गर्नेछ। कोष संकलनका अन्य अभियान कायम रहने छ।

८। पार्टीले नीतिगत प्राथमिकता सहित वृहत क्षेत्रगत नीतिहरू तय गरको छ। तीन महिने यात्राको क्रममा प्राप्त सुझावहरू पनि समेटेर विस्तृत कार्यक्रमहरू तर्जुमा गरिने छ।

प्रवक्ता
डा सूर्यराज आचार्य
साझा विवेकशील पार्टी
मिति: १४ वैशाख २०७६

प्रकाशित : २०७६, १५ बैशाख आईतवार ००:४७