भगवती बहालस्थित रोकिरहेको कारमा आगजनी

काठमाडौं महानगरपालिका–१ नक्साल भगवती बहालस्थित कारमा शनिबार दिउँसो आगजनी भएको छ ।

नक्साल भगवती वहालस्थित चौरमा विगत ८÷९ महिनादेखि नचलाईराखेको बा२च ११२९ नम्बरको तोप्ला युक्याप कम्पनीको आगजनीबाट कार जलेर पूर्णरुपमा नष्ट भएको हो ।

महानगरी प्रहरी वृत्त कमलपोखरीका प्रहरी निरीक्षक हर्क बहादुर विश्वकर्माका अनुसार आगजनीको खबर प्राप्त हुनासाथ महानगरीय प्रहरी वृत्त कमलपोखरीबाट खटिएको प्रहरीले स्थानीयबासीको सहयोगमा आगो नियन्त्रणमा लिएको बताए ।

प्रहरी निरीक्षक विश्वकर्माका अनुसार आगो लगाउने कार्यमा संलग्न रहेको आशंकामा २ जनालाई नियन्त्रणमा लिई थप आवश्यक अनुसन्धान गरिरहेको बताए ।