९ फागुन,काठमाडौँ । चन्द्रागिरि हिल्सले महाशिवरात्रीकाे अवसर पारेर भत्तजनहरूलाई केवलकारमा महा छुटकाे व्यवस्था गरेकाे छ ।
फागुन १४ गते बुधवार पर्न गएको महाशिवरात्रिको पावन अवसरमा चन्द्रागिरि भालेश्वर महादेव मन्दिर परिसरमा अाउन जानलाई महा छुट याेजना शार्वजनिक गरेकाे हाे ।
महाशिवरात्री विशेष भक्तिमय उत्सव आयोजना हुने चन्द्रागिरि हिल्सले जनाएको छ ।
महाशिवरात्रीमा चन्द्रागिरीमा अवस्थित भालेश्वोर महादेवको महिमालाई जोड्दै विशेष भक्तिमय उत्सव आयोजना गर्न लागिएको एक विज्ञप्ति जारि गर्दै कम्पनीले जनाएको छ ।
महाशिवरात्रिको पुरै दिन भालेश्वर मन्दिर परिसरमा विशेष भक्तिमय भजन कार्यक्रम समेत सञ्चालन हुनेछ । साथै साँझ ५ बजेपछि विशेष महाआरती हुने छ ।
चन्द्रागिरि हिल्सले महाआरतीलाई लक्षित गर्दै साँझ ४ बजेदेखि ९ बजेसम्मको केबलकार टिकटमा ५०% प्रतिशत छुट प्रदान गर्ने विज्ञप्तिमार्फत जनाएको छ ।
