काठमाडौं, ३२ साउन । नेपालमा पछिल्लो २४ घण्टामा थप ३ हजार ४ सय ५१ जनामा कोरोना भाइरसको संक्रमण पुष्टि भएको छ।
योसंगै कुल संक्रमितको संख्या ७ लाख ३४ हजार ८ सय ३८ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयको अनुसार पछिल्लो २४ घन्टामा १५ हजार ६ सय ११ जनाको परीक्षणमा २५ सय ६६ पिसीआर र ८ सय ८५ एन्टिजेन विधिबाट संक्रमण पुष्टि भएको हो ।
आज २ हजार ४ सय ५८ जना संक्रमणमुक्त भएका छन् ।
योसँगै नेपालमा ६ लाख ८५ हजार १ सय ४० जना संक्रमणमुक्त भएका हुन् ।
कोरोना संक्रमणबाट आज थप ३५ जनाको मृत्यु भएको छ ।
योसँगै कोरोना संक्रमणबाट नेपालमा मृत्यु हुनेको संख्या १० हजार ३ सय २७ पुगेको स्वास्थ्य मन्त्रालयले जनाएको छ ।
यस्तै, काठमाडौं उपत्यकामा ९६१ संक्रमित थपिएका छन्।
काठमाडौंमा ६७७, भक्तपुरमा ११७ र ललितपुरमा १६७ संक्रमित थपिएका छन्।
प्रतिक्रिया
सम्बन्धित समाचार
