४ चैत चन्द्रागिरि, काठमाडौं –मेरीहोम मन्टेश्वरीको १२ औँ अभिभावक दिवस भव्य रूपमा सम्पन्न भएकाे छ ।
काठमाडौंकाे चन्द्रागिरि नगरपालिका-१५ तिनथान स्थित मुनाल क्लबमा मेरीहोम मन्टेश्वरीले आफ्नो १२ औँ अभिभावक दिवस विभिन्न कार्यक्रमकाे आयाेजना गरि भव्य रूपमा सम्पन्न गरेको हाे।
कार्यक्रममा प्रमुख अतिथि चन्द्रागिरि नगरपालिकाका वडा नम्बर १५ का अध्यक्ष घनश्याम लुईटेलले शिक्षालाई व्यवसायमुखी र उत्पादन केन्द्रित बनाउन आवश्यक रहेको बताए।
उनले वर्तमान शिक्षा प्रणालीलाई सुधार गर्दै सीपमूलक र व्यावहारिक शिक्षामा जोड दिनुपर्ने धारणा राखे। साथै, विद्यालयको निरन्तर प्रगति र गुणस्तरीय शिक्षामा जोड दिँदै यसको विकासका लागि वडाले सधैं सहयोगी रहने प्रतिवद्धता जनाए।
मेरीहोम मन्टेश्वरीको अध्यक्ष तथा प्रधानाध्यापक सरिता देवकोटा खनालले विद्यालयको शैक्षिक गुणस्तर अभिवृद्धिका लागि अभिभावकको सक्रिय सहभागिता अत्यावश्यक रहेको बताईन ।
उनका अनुसार विद्यालयमा भौतिक पूर्वाधार सुधारसँगै अध्यापन शैलीलाई आधुनिक बनाउन विभिन्न कार्यक्रमहरू सञ्चालन गरिएका छन्।
“विद्यार्थीको समग्र विकासका लागि शिक्षक, विद्यार्थी र अभिभावक बीचको समन्वय महत्वपूर्ण छ। अभिभावकको सुझाव र सहभागिता बिना प्रभावकारी शैक्षिक सुधार सम्भव छैन,” प्रधानाध्यापक सरिता देवकोटा खनालले भनिन ।
मेरीहोम मन्टेश्वरी स्कुलको कोअडीनेटर शिला क्षेत्री दानीले कार्यक्रममा उपस्थित सम्पूर्ण अभिभावक, अतिथि तथा विद्यालय परिवारलाई धन्यवाद व्यक्त गरिन ।
कार्यक्रम सञ्चालन मेरीहोम मन्टेश्वरी स्कुलको प्रबन्ध निर्देशक कौशिला आचार्यले गरेकी हुन् ।
कार्यक्रममा विद्यालयका विद्यार्थीहरूले दर्जनौँ सांस्कृतिक प्रस्तुति, नृत्य, गायन, तथा वाद्यवादन प्रदर्शन गरेकाे थियाे।
कार्यक्रममा वडा अध्यक्ष शैक्षिक विकास कोषका अध्यक्ष मोहन हरी आचार्य ,मुनाल क्लवका अध्यक्ष पुस्कर थापा,चन्द्रागिरी साहित्य सरोबरका अध्यक्ष श्री गोपीचन्द्र कार्की लगायतको उपस्थिति रहेकाे थियाे ।
तस्बिरहरू ।
