काठमाडौं, २२ असोज । प्रधानमन्त्री शेरबहादुर देउवाले ८८औं दिनपछि सरकारलाई पूर्णता दिएका छन् । सत्तापक्षीय गठबन्धनबाट समेटेर प्रधानमन्त्री देउवाले सरकारलाई पूर्णता दिएका हुन् ।
राष्ट्रपति विद्यादेवी भण्डारीले प्रधानमन्त्री शेरबहादुर देउवाको नेतृत्वमा गत असार २९ गते गठित मौजुदा मन्त्रिपरिषद्मा नेपालको संविधानबमोजिम प्रधानमन्त्रीको सिफारिसमा नियुक्ति, हेरफेर र कार्यविभाजन गरी मन्त्रिपरिषद् गठन गर्नुभएको छ ।
नयाँ गठित मन्त्रिपरिषद्अनुसार शेरबहादुर देउवा प्रधानमन्त्री, बालकृष्ण खाँण गृह, ज्ञानेन्द्रबहादुर कार्की सञ्चार तथा सूचना प्रविधि, पम्फा भुसाल ऊर्जा, जलस्रोत तथा सिँचाइ, राजेन्द्रप्रसाद श्रेष्ठ सङ्घीय मामिला तथा सामान्य प्रशासन, विरोध खतिवडा स्वास्थ्य तथा जनसङ्ख्या र जनार्दन शर्मा अर्थमन्त्री हुनुहुन्छ ।
त्यसैगरी डा मीनेन्द्रप्रसाद रिजाल रक्षा, उमाकान्त चौधरी खानेपानी, डा नारायण खड्का परराष्ट्र, रेणुकुमारी यादव भौतिक पूर्वाधार तथा यातायात, प्रेमबहादुर आले संस्कृति, पर्यटन तथा नागरिक उड्डयन, दिलेन्द्रप्रसाद बडू कानून, न्याय तथा संसदीय मामिला, देवेन्द्र पौडेल शिक्षा, विज्ञान तथा प्रविधिमन्त्री नियुक्त हुनुभएको छ ।
त्यस्तै महेन्द्रराय यादव कृषि तथा पशुपन्छी विकास, उमा रेग्मी महिला, बालबालिका तथा ज्येष्ठ नागरिक, शशि श्रेष्ठ भूमि व्यवस्था, सहकारी तथा गरिबी निवारण, रामकुमारी झाँक्री सहरी विकास, गजेन्द्रबहादुर हमाल उद्योग, वाणिज्य तथा आपूर्ति, रामसहायप्रसाद यादव वन तथा वातावरण, कृष्णकुमार श्रेष्ठ श्रम, रोजगार तथा सामाजिक सुरक्षा, महेश्वरजंग गहतराज युवा तथा खेलकूदमन्त्रीमा नियुक्त हुनुभएको जनाएको छ ।
उमेश श्रेष्ठ राज्यमन्त्री प्रधानमन्त्री तथा मन्त्रिपरिषद्को कार्यालय, भवानीप्रसाद खापुङ राज्यमन्त्री स्वास्थ्य तथा जनसङ्ख्या, बोधमायाकुमारी यादव राज्यमन्त्री शिक्षा, विज्ञान तथा प्रविधि नियुक्त हुनुभएको राष्ट्रपतिको कार्यालयद्वारा आज जारी विज्ञप्तिमा उल्लेख छ ।
हेरौँ, कस्लाई कुन मन्त्रालय ?
कांग्रेसबाट
बालकृष्ण खाँण- गृह
ज्ञानेन्द्रबहादुर कार्की- सञ्चार, सूचना तथा प्रविधि
मिनेन्द्र रिजाल- रक्षा
उमाकान्त चौधरी- खानेपानी
नारायण खड्का- परराष्ट्र
दिलेन्द्र बडु- कानुन न्याय तथा संसदीय मामिला
उमा रेग्मी- महिला, बालबालिका तथा ज्येष्ठ नागरिक
गजेन्द्र हमाल- उद्योग वाणिज्य तथा आपूर्ति
राज्यमन्त्रीकै रुपमा प्रधानमन्त्री कार्यालयमा- वर्तमान स्वास्थ्य राज्यमन्त्री उमेश श्रेष्ठ
माओवादीबाट
जनार्दन शर्मा- अर्थ
पम्फा भुसाल- ऊर्जा
देवेन्द्र पौडेल- शिक्षा विज्ञान तथा प्रविधि
शशि श्रेष्ठ- भूमि व्यवस्था सहकारी तथा गरिबी निवारण
महेश्वर गहतराज- युवा तथा खेलकुद
जसपाबाट
रेणु यादव- भौतिक पूर्वाधार तथा यातायात
राजेन्द्र श्रेष्ठ- संघीय मामिला तथा सामान्य प्रशासन
रामसहाय यादव- वन तथा वातावरण
महिन्द्र राय यादव- कृषि तथा पशुपन्छी विकास
शिक्षा, विज्ञान तथा प्रविधि राज्यमन्त्री- बोधमायाकुमारी यादव
नेकपा एसबाट
विरोध खतिवडा- स्वास्थ्य तथा जनसंख्या
प्रेम आले- संस्कृति पर्यटन तथा नागरिक उड्डयन
रामकुमारी झाँक्री- सहरी विकास
कृष्णकुमार श्रेष्ठ (किसान- श्रम रोजगार तथा सामाजिक सुरक्षा
भवानीप्रसाद खापुङ- स्वास्थ्य राज्यमन्त्री
