८ फरवरी (माघ २६ गते) सम्पन्न केन्द्रीय समितिको बैठकले संघीयताविरुद्धको आन्दोलनप्रति ऐक्यवद्धता जाहेर गर्दै आर्थिक, भौतिक, नैतिक सहयोग गर्ने निर्णय गरेको हो ।
अध्यक्ष ठाकुर खनालद्वारा बुधबार (१२ फरबरी २०२५) मा जारी विज्ञप्तिमा संघीयताविरुद्ध काठमाडौँ केन्द्रित आन्दोलनको तयारीका लागि भारतब्यापीरुपमा प्रचारात्मक सभा गर्ने निर्णय गरिएको उल्लेख छ ।यस्तै, मूल प्रवाहले विभिन्न नगर सम्मेलन सफलतापूर्वक सम्पन्न भएकोमा सम्बन्धित सबैलाई धन्यवाद दिएको छ भने बाँकी रहेका नगरहरूमा सम्मेलनको मिति तय गरेको छ ।
भारतमा प्रवासी नेपालीहरूका विभिन्न समस्या समाधानका लागि पनि मूल प्रवाहले संघर्षका कार्यक्रम घोषणा गरेको छ ।
यस्तो छ वक्तव्य
मितिः १२ फरवरी २०२५ मूल प्रवाह अखिल भारत नेपाली एकता समाज केन्द्रीय समितिको आठौं बैठक ८ फरवरी २०२५ मा सम्पन्न भएको छ । बैठकले गरेका कतिपय निर्णय सार्वजनिक गर्न यो वक्तव्य जारि गरिएको छ ।१) नगर सम्मेलन अभियान सफल पार्न सहयोग गर्नुहुने नेता, कार्याकर्ता, कलाकार, पत्रकार, स्वयंसेवी, सहयोगी तथा सहभागि आम जनसमुदाय सबैलाई केन्द्रीय समितिको तर्फबाट हार्दिक धन्यवाद ज्ञापन गरिन्छ ।२) बैठकमा राष्ट्रियता, जनतन्त्र, जनजिवीकाको लागि संघर्ष गर्ने कार्यलाई निरन्तरता दिइएको छ । जसमा नेपालको सन्दर्भमा संघीयता घातक सावित भइरहेको छ । राष्ट्रिय जनमोर्चाले आव्हान गरेको संघीयता विरुद्ध राजधानी (काठमाडौं) केन्द्रित आन्दोलनप्रति ऐक्यवद्धता प्रकट गरेको छ । आन्दोलनलाई भारत प्रवासबाट आर्थिक, नैतिक समर्थन गर्दै सहभागि गराउने निर्णय गरिएको छ । मार्च १५, २०२५ भित्र भारतका विभिन्न क्षेत्र तथा नगरहरुमा आन्दोलनको प्रचार(प्रसारको लागि संघीयता विरुद्ध राजधानी (काठमाडौं) केन्द्रित आन्दोलनप्रति ऐक्यवद्धता तथा प्रचारात्मक सभा गर्ने निर्णय गरिएको छ ।३) प्रवासी नेपालीहरुको हकहित एवं परिवर्तनको पक्षमा आन्दोलन उठान गर्न संघर्षका कार्यक्रमहरू तय गरिएको छ । विभिन्न राज्यहरूमा देखापरेका नेपालीका विभिन्न समस्याहरू समाधानका लागि अलग–अलग कार्यक्रमहरू तय गरियो । सरोकारवाला निकाय तथा राज्य सरकारहरू समक्ष माग पत्र बुझाउने, पत्रकार सम्मेलन गर्ने, अन्तर्क्रिया आदि कार्यक्रम क्षेत्रीय र राज्य समितिहरू एवं केन्द्रीय कार्यालयसँग समन्वयमा गरिने छन् ।५) महिला विभागको आयोजनामा विभिन्न नगरहरूमा अन्तर्राष्ट्रिय श्रमिक महिला दिवसको अवसरमा ‘८ मार्च अन्तर्राष्ट्रिय श्रमिक महिला दिवसको महत्व’बारे अन्तर्क्रियात्मक कार्यक्रम गरिनेछ ।६) नेपाल तथा भारतका जनता बीचको आपसी मित्रतालाई सुमधुर एवं सुदृढ बनाउन एक मई २०२५ का दिन अन्तर्राष्ट्रिय श्रमिक दिवसको अवसरमा हुने कार्यक्रममा भारतीय मजदुर संगठनहरूलाई पनि सामेल गर्ने गरि गरिनेछ ।७) सम्मेलन गर्न बाँकी रहेका पूर्वोत्तर क्षेत्रीय समिति अन्तर्गतका नगरहरूको सम्मेलन मिति निश्चित गरियो । जस्मा कोहिमा २–३ मई, डिमापुर ४–५ मई, ७–८ मई गुवाहटी, १०–११ मई लाडरुम्बाई, १४–१५ मई वर्सेरा, १७ मई सिलोङ र २० मई सिलोङ ।न्यानो अभिवादन सहितठाकुर खनाल
(अध्यक्ष)
