३१ बैशाख पाल्पा । पाल्पाको तिनाउ गाउँपालिका-३ कदमबासस्थित तिनाउ नदीमा डुबेर बेपत्ता भएका दुई किशोरको मृत शरीर फेला परेको छ।

जिल्ला प्रहरी कार्यालय पाल्पाका इन्सपेक्टर सन्दिप बेल्बासेका अनुसार बुटवल उपमहानगरपालिका-४ लक्ष्मीनगरका १७ वर्षीय अभिषेक श्रेष्ठ र १६ वर्षीय दिनेश सुवेदीको शव मंगलबार दिउँसो र साँझ दुई फरक स्थानमा भेटिएको हो।

गर्मी छल्न सोमबार तिनाउमा नुहाउन गएका दुवै जना डुबेर बेपत्ता भएका थिए। खोजी कार्यपछि उनीहरूको शव नदीको दुई स्थानमा फेला परेको प्रहरीले जनाएको छ।