१५ असार,काठमाडौं । काठमाडौंको चन्द्रागिरिमा पहिरोमा परी गाडी पुरिएको छ।

शनिबार राति ९:१५ बजे चन्द्रागिरि नगरपालिका-२ मसिनेमा थानकोट आउँदै गरेको बा ५ च ११४५ नम्बरको गाडीमाथि पहिरो खसेको थियो। प्रहरी प्रभाग नागढुङ्गाका प्रहरी निरीक्षक हिक्मत थापाकाे नेतृत्वको टाेलीले पहिराेले पुरेकाे चालक सहित कारलाई उद्धार गरि सुरक्षित स्थानमा लगिएकाे छ ।

पहिरोमा गाडीको पछाडिको भाग पुरिएको काठमाडौं प्रहरी परिसरका एसपी अपिलराज बोहराले जानकारी दिए।

पहिरोमा परी मानवीय क्षति भने नभएको प्रहरीले जनाएको छ।

पुरिएको गाडि राति ११ बजे निकालिएको थियो।