२१ चैत,काठमाडौं । आर के फुड प्रोडक्ट ले आफ्ना विभिन्न ब्राण्डका मःम (चिकेन, भेज र बफ) तथा मःम ससेज प्रवर्द्धनसँगै सामाजिक उत्तरदायित्व कार्यक्रमलाई पनि तीव्रता दिएको छ।

कम्पनीका अध्यक्ष अशोक बुढाथोकी को नेतृत्वमा हालै काठमाडौंका विभिन्न विद्यालयका प्रधानअध्यापकहरूसँग अन्तरक्रिया कार्यक्रम सम्पन्न गरिएको हो।

उक्त अन्तरक्रिया कार्यक्रममा “प्लेट फर प्लानेट” अभियानअन्तर्गत वातावरण संरक्षण, स्वस्थ आहार र बालबालिकामा सचेतना अभिवृद्धि गर्ने विषयमा छलफल गरिएको कम्पनीले जनाएको छ।

कार्यक्रममा सहभागी विद्यालयका प्रधानअध्यापकहरूले विद्यार्थीस्तरमै वातावरणीय शिक्षा र व्यवहारिक ज्ञान आवश्यक रहेकोमा जोड दिएका थिए। कम्पनीले आफ्नो उत्पादन—मःम (चिकेन, भेज, बफ) र मःम ससेज बिक्रीबाट प्राप्त आम्दानीको एक हिस्सा सामाजिक तथा वातावरणीय कार्यक्रमहरूमा लगानी गर्ने प्रतिबद्धता जनाएको छ।

सोहीअनुसार “विश्वव्यापी उष्णता (Global Warming)” र वातावरण परिवर्तनसम्बन्धी जनचेतना फैलाउने उद्देश्यले काठमाडौंका विभिन्न विद्यालयमा चित्रकला प्रतियोगिता सञ्चालन गर्ने योजना अघि सारिएको छ।

कम्पनीका अध्यक्ष बुढाथोकीले विद्यालय तहबाटै वातावरण संरक्षणबारे चेतना अभिवृद्धि गर्न सके भविष्यमा सकारात्मक परिवर्तन ल्याउन सकिने विश्वास व्यक्त गरे। “हामीले व्यापार मात्र होइन, समाजप्रति जिम्मेवारी पनि वहन गर्नुपर्छ भन्ने सोचका साथ ‘प्लेट फर प्लानेट’ अभियान सुरु गरेका हौं,” उनले भने।
कार्यक्रममा सहभागी विद्यालयका प्रतिनिधिहरूले यस्तो पहलले विद्यार्थीमा सिर्जनशीलता विकास गर्नुका साथै वातावरणप्रति जिम्मेवार नागरिक बन्न प्रेरणा मिल्ने बताएका छन्। आगामी दिनमा विजेता विद्यार्थीहरूलाई पुरस्कार प्रदान गर्ने र कार्यक्रमलाई देशभर विस्तार गर्ने लक्ष्य कम्पनीले लिएको छ।

यसैबीच, कम्पनीले आफ्ना खाद्य उत्पादनको गुणस्तर, स्वच्छता र स्वादलाई प्राथमिकतामा राख्दै बजार विस्तार गरिरहेको जनाएको छ। सामाजिक उत्तरदायित्वसँगै व्यवसाय विस्तार गर्ने रणनीतिले कम्पनीलाई उपभोक्तामाझ अझ विश्वसनीय बनाउने विश्वास लिइएको छ।

कम्पनीले आफ्ना विभिन्न ब्राण्डअन्तर्गत उत्पादन गर्दै आएका चिकेन, भेज र बफ मःम तथा मःम ससलाई गुणस्तरीय, स्वच्छ र स्वास्थ्य मापदण्डअनुसार तयार पार्दै आएको जनाएको छ। उपभोक्ताको रोजाइअनुसार स्वाद र पोषणलाई प्राथमिकतामा राखिएको कम्पनीको दाबी छ। साथै, बजारमा बढ्दो प्रतिस्पर्धाबीच आफ्ना उत्पादनलाई फरक पहिचान दिन कम्पनीले नयाँ–नयाँ स्वाद र प्याकेजिङमा समेत ध्यान दिइरहेको छ।

यसका साथै, कम्पनीले विद्यालय लक्षित कार्यक्रममार्फत विद्यार्थी, अभिभावक र शिक्षकहरूबीच स्वस्थ खाने बानी र वातावरण संरक्षणबारे सन्देश प्रवाह गर्ने लक्ष्य लिएको छ। “प्लेट फर प्लानेट” अभियानअन्तर्गत मःम बिक्रीबाट उठेको निश्चित रकम वातावरणीय कार्यक्रम, वृक्षरोपण तथा जनचेतनामूलक गतिविधिमा खर्च गरिने कम्पनीले जनाएको छ।

कम्पनीका अनुसार आगामी दिनमा देशका अन्य शहर तथा जिल्लाहरूमा पनि यस्ता कार्यक्रम विस्तार गर्दै लैजाने योजना रहेको छ, जसले व्यापार प्रवर्द्धनसँगै सामाजिक उत्तरदायित्वलाई अझ सुदृढ बनाउने विश्वास गरिएको छ।

कम्पनीले आफ्ना विभिन्न ब्राण्डअन्तर्गत उत्पादन गर्दै आएका चिकेन, भेज र बफ मःमसँगै “यो–यो ब्राण्ड” का मःम ससेजलाई पनि बजारमा विस्तार गर्दै आएको जनाएको छ। स्वाद, गुणस्तर र स्वच्छतालाई प्राथमिकतामा राख्दै तयार पारिएका यी मम, ससेज उपभोक्तामाझ लोकप्रिय बन्दै गइरहेका छन्। कम्पनीका अनुसार “यो–यो ब्राण्ड” का मःम ससेज मःमको स्वादलाई अझ आकर्षक बनाउने भएकाले बजारमा यसको मागसमेत बढ्दो रहेको छ।कार्यक्रममा प्रतिनिधि सभा सदस्य भुमिका श्रेष्ठ लगायत केही सञ्चारकर्मीहरूकाे समेत उपस्थिति रहेकाे थियाे ।