प्रहरीले ओलीलाई २०८२ चैत १४ गते शनिबार भक्तपुरस्थित गुन्डुबाट र लेखकलाई उनको निवास भक्तपुरकै कटुन्जेबाट पक्राउ गरेको हो ।
ओलीलाई पक्राउ गर्न शनिबार अबेर गुन्डु पुगिसकेको थियो तर ओली करिब २ बजे सुतिसकेपछि बिहान पक्राउ गरिएको हो ।
काठमाडौँ उपत्यका अपराध अनुसन्धानले पक्राउ पुर्जीको आधारमा दुवैलाई पक्राउ गरिएको प्रहरीले जानकारी दिएको छ ।
दुवैलाई काठमाडौँ भद्रकालीस्थित जिल्ला प्रहरी परिसरमा राखिएको छ ।
पक्राउ पर्ने जानकारीसँगै ओलीले दुई जना वरिष्ठ अधिवक्तासँग कानुनी परामर्श गरिरहेको जानकारी प्राप्त भएको छ भने लेखक आफै कानुन व्यवसायीसमेत हुन् ।
चैत १३ गते बालेन मन्त्रिपरिषद्ले कार्की आयोगको प्रतिवेदन तत्काल कार्यान्वयन गर्ने निर्णय गरेसँगै उनीहरूलाई कुनै पनि बेला पक्राउ गर्न सकिन्थ्यो तर प्रहरीले सरकारसँग आधिकारिक रूपमा लिखित आदेश माग गरेको थियो ।
सोही निर्णयलगत्तै गृहमन्त्री सुधन गुरुङ सुरक्षा निकायका प्रमुखसँग निरन्तर छलफलमा जुटेका थिए ।
मध्यरातसम्म भएको छलफलपछि सहमति नभएपछि कानुनसचिव पाराश्वर ढुङ्गानालाई पनि प्रहरी हेडक्वार्टर बोलाइएको थियो ।
उनी हेडक्वार्टरबाट निस्किएर लिखित आदेश तयार पारे । त्यसपछि प्रहरीले जरुरी पक्राउ पुर्जी जारी गरेर ओली र लेखकलाई नियन्त्रणमा लिन लागिएको हो ।
मुलुकी फौजदारी संहिताको मुलुकी फौजदारी संहिताको दफा १८१ र दफा १८२ अनुसार कारबाही सिफारिस भएको थियो ।
उक्त दफामा लापरबाहीपूर्ण र हेलचेक्र्याइँ गरेर ज्यान लिएको कसुर अन्तर्गत कारबाही हुने उल्लेख छ । आयोगले ती दुवै दफा उल्लेख गरी कारबाहीका लागि सिफारिस गरेको थियो ।
