७ भदौ, काठमाडौं । चन्द्रागिरि र कीर्तिपुरको सिमाना नजिक थापागाउँमा चितुवाले आक्रमण गर्दा एक जना घाइते भएका छन् ।
कुखुरापालन गरेको ठाउँमा राति कुर्न बसेका पुनीप्रसाद तामाङ चितुवाकाे आक्रमणमा परि घाइते भएका हुन्
घाइते तामाङकाे अस्पतालमा उपचार भइरहेको थानकोट प्रहरीले जनाएको छ ।घटना भएकाे खवर प्राप्त हुनासाथ थानकोट वृत्तकाे डिएसपी नारायण प्रसाद अधिकारीकाे टाेली घटना स्थल पुगेकाे थियाे ।चितुवा कुखुरापालन गर्ने खोरभित्र थुनिएको छ । उक्त चितुवाको उद्धार गर्न डिभिजन वन कार्यालयको प्राविधिक टोली त्यसतर्फ पुगेकाे छ ।
चितुवा भेटिएको स्थान चन्द्रागिरि र कीर्तिपुरको सिमानामा पर्दछ । थानकोट प्रहरीको टोली रातिदेखि नै सो स्थानमा छ भने कीर्तिपुरको टोली भने आज बिहान मात्रै त्यसतर्फ गएको छ ।
थानकोट प्रहरीका अनुसार गएराति एक बजेतिर खोरभित्र सुतिरहेका व्यक्तिलाई चितुवाले आक्रमण गरेको थियो । त्यसपछि ती व्यक्तिले प्रतिरक्षा गर्ने क्रममा चितुवा पनि घाइते भएको प्रहरी वृत्त थानकोटले जनाएको छ । चितुवा नियन्त्रणकाे प्रयास भईरहेकाे जनाएको छ ।
तस्बिर : सञ्चारकर्मी बिरेन्द्र शाक्य कीर्तिपुर
