धादिङको मलेखुको परेवा भिरमा मा पहिरो खसेको छ ।
ईलाका प्रहरी कार्यालय गजुरीका अनुसार गजुरी गाउँ पालिका २ परेवा भिरमा पहिराे खसेकाे हाे ।
अविरल वर्षाको कारण पृथ्वी राजमार्गको धादिङ र चितवनमा पर्ने सडक खण्ड लगातार अवरुद्ध छ । ईलाका प्रहरी कार्यालय गजुरीका डिएसपी डिल्ली नारायण पाण्डेका अनुसार बेलुका ७ बजे सुख्खा पहिराे खसेका बताए ।
प्रहरी पहिराे गएकाे सुचना पाउन साथ तत्काल परेवा भिर केन्द्रित छ । बाटाे खुलाउने काम तत्काल गर्ने धादिङ प्रहरीले जनाएको छ । धादिङको धुनिवेशी नगरपालिका वडा नम्बर–९ स्थित झ्याप्ले खोलामा दुईवटा माईक्रो बस र एउटा बसमाथि पहिरो खस्दा ३५ जनाले ज्यान गुमाए ।
ना.४ ख २२७० नम्बरको बस, बा.२ ख १३४५ नम्बरको हायस र लु. १ ज ४५७७ नम्बरको विङ्गर पुरिँदा ३५ जनाले ज्यान गुमाएका थिए । पहिरो खस्ने क्रम नरोकिएपछि पृथ्वी राजमार्गको मलेखु–मुग्लिन सड्क खण्डमा थप प्रहरी प्रहरी परिचालन गरिएको छ ।
