काभ्रे । काभ्रेको बनेपामा विदेशी नागरिक लुटपाटमा गर्ने ३ जनालाई बनेपा प्रहरीले पक्राउ गरेको छ ।

बनेपा नगरपालिका–६ गोसाइस्थानस्थित १६ सय सिढीमा घुम्न गएका २ जना विदेशी युवती लुटपाट गर्ने ३ जनालाई प्रहरीले पक्राउ गरेको हो ।

ईलाका प्रहरी कार्यालय बनेपाका प्रमुख डिएसपी लालध्वज सुवेदीले विदेशी नागरिकलाई लुटपाट भयाे भने खवर प्राप्त हुनासाथ प्रहरीकाे क्यु.आर.टीकाे सहायताले आधा घण्टामै ३ जना पक्राउ गरिएको बताए ।

डिएसपी सुवेदीका अनुसार धुलिखेल अस्पतालमा इन्टर्नसिपका लागि आएका २ विदेशी युवतीलाई मंगलबार साँझ ३ जना युवाले लुटपाट गरे भागेका थिए ।मंगलबार साँझ बनेपा नगरपालिका–६ भ्यु टावरमा इभिनिङ वाकमा निस्केको अवस्थामा इटालियन नागरिक २८ वर्षीया मार्टिन फाल्चेट्टी र जर्मनी नागरिक २६ वर्षीया एलेक्स जेन्ड्रा लुटिएको खवर प्रहरीमा आएकाे थियाे । डिएसपी सुवेदीले भने,” ३ जनाकाे समुहले चक्कु देखाउँदै तर्साउदै लुटपाट गरेको प्रारम्भिक अनुसन्धानले देखाएकाे छ ।

विदेशी युवतीलाई चक्कु देखाउँदै उनीहरुको साथमा रहेको आइफोन एकथान, स्मार्टवाच एकथान, डेबिड कार्ड एकथान, क्रेडिटकार्ड एकथान लुटेका थिए ।