९ बैशाख काठमाडौं । प्रहरी लागुऔषध वनरेक्स सहित एकजनालाई पक्राउ गरेकाे छ ।
मकवानपुरको हेटौंडा उपमहानगरपालिका–१५ स्थित रातोमाटे चेकपोष्टमा प्रहरी चौकी रातोमाटेबाट खटिएको प्रहरी टोलीले सवारी चेकजाँचका क्रममा लागूऔषध वनरेक्स सहित एक जनालाई पक्राउ गरेको हाे ।
पूर्व–पश्चिम लोकमार्ग हुँदै काठमाण्डौंतर्फ गइरहेको मधेश प्रदेश ०३–००१ ज ४५१ नम्बरको सुमो गाडीलाई शंका लागि जाँच गर्दा, गाडीको छतमा रहेको जगेडा टायर भित्र प्वाल पारी लुकाइ छिपाइ राखिएको अवस्थामा वनरेक्स १०० एमएलको २२५ बोतल फेला परेको प्रहरीले जनाएको छ ।
स्पियर टायर भित्र लुकाईएकाे अवस्थामा बरामद
पक्राउ पर्नेमा गाडी चालक पर्सा जिल्लाको बहुदरमाई नगरपालिका–९ निवासी २४ वर्षीय मुम्ताज मिया छन् ।
प्रहरी उनलाई लागुऔषध नियन्त्रण सम्बन्धी मुद्दामा सम्मानित मकवानपुर जिल्ला अदालतबाट ५ दिनको म्याद लिई थप अनुसन्धान भइरहेको प्रहरीले जनाएको छ।
