२५ बैशाख,हेटौंडा । मकवानपुरको हेटौडा उपमहानगरपालिका–१५ रातोमाटेस्थित पूर्व–पश्चिम लोकमार्गमा प्रहरीले नक्कली नाेट सहित एकजनालाई पक्राउ गरेकाे छ ।
५०० दरका १८६ थान नक्कली नेपाली नोटसहित प्रहरी रामकृष्ण अधिकारीलाई पक्राउ गरेको हाे ।
प्रहरी चौकी रातोमाटेबाट खटिएको टोलीले बा. ३३ प ९९८३ नम्बरको मोटरसाइकलमा हेटौडातर्फ आउँदै गरेका अधिकारीलाई शंका लागि जाँच गर्दा उनको झोलाभित्र लुकाइएका नक्कली नोटहरू फेला पारेको जनाएको छ ।
अधिकारी जिल्ला धादिङ गंगाजमुना गाउँपालिका–२ घर भई हाल हेटौडा–८ मा बस्दै आएका छन्।
बरामद नक्कली नोटहरूको कुल मूल्य रु. ९३ हजार रहेको प्रहरी जनाएको छ । प्रहरीका अनुसार अधिकारीविरुद्ध मुद्रा सम्बन्धी कसुरमा मकवानपुर जिल्ला अदालतबाट सात दिनको म्याद अनुमति लिई थप अनुसन्धान भइरहेको छ।
प्रतिक्रिया
सम्बन्धित समाचार
