१४ वर्षीया बालिका ( बबहरमहल २६) लाई भारत बेच्न लैजाँदै गर्दा दुई जनालाई पक्राउ गरेको छ । एक बालिकालाई बेच्न भारत लैजाने क्रममा प्रहरीको मानव बेचबिखन अनुसन्धान ब्युरोले २ जनालाई पक्राउ गरेको हो।
पक्राउ पर्नेमा नुवाकोट दुप्चेश्वर ६ का ३९ वर्षीय सम्बरबहादुर तामाङ र इन्दिरा कटुवाल तामाङ छन् । पक्राउ परेका सम्बरबहादुर जो १० मानव बेचखिनमानै जेल बसेर छुटेका थिए ।
नुवाकोट दुप्चेश्वर ६ का ३९ वर्षीय सम्बरबहादुर तामाङ मानव बेचबिखन मुद्दामा १० वर्ष जेल बसेर अघिल्लो साल वैशाखमा मात्रै छुटेका थिए । पीडितलाई नेपालको सीमा कटाउन गाह्रो हुने भएकाले अरुकै नागरिकता प्रयोग गराएका अनुसन्धानवाट खुलेको छ ।
सम्बरबहादुर र इन्दिराले पीडित बालिकालाई अरुकै सक्कल नागरिकता दिएर नाम र उमेर ढाँट्न लगाएका थिए । उनीहरूबाट केही भारतीय रकम समेत बरामद भएको छ ।
ललितपुरको सुनाकोठीबाट पीडित बालिकाको उद्धार भएको प्रहरीको मानव बेचबिखन अनुसन्धान ब्युरोले जनाएको छ ।
